БНСУ-ын Засгийн газар, Төрийн албаны компьютер, төхөөрөмжүүдэд “DeepSeek”-ийн хиймэл оюунт чатбот ашиглахыг хориглосон байна. Аюулгүй байдлын үүднээс тус стартапын чатботыг ашиглахыг хязгаарлах арга хэмжээ авч буй компаниуд болон улс орнуудын тоо ийнхүү нэмэгдэж байна. БНСУ-ын Батлан ​​хамгаалах, Гадаад худалдааны яам Төрийн албан тушаалтнуудын компьютероос “DeepSeek”-ийн үйлчилгээнд нэвтрэх эрхийг хязгаарласан гэж “Yonhap” агентлаг мэдээлжээ. Хиймэл оюуны үйлчилгээтэй холбоотой аюулгүй байдал, техникийн асуудлаас болж ажил дээр ашиглаж буй компьютерүүдэд "Шаардлагатай урьдчилан сэргийлэх арга хэмжээ" авсан гэж тус улсын Батлан ​​хамгаалах яам пүрэв гарагт дээрх мэдээллийг баталгаажуулсан байна.